«Бір шертіп шотты достарыңызбен қалай бөліп алуға болады». Simply және Visa жаңа қызметті іске қосты

БАСПАСӨЗ РЕЛИЗІ, 2023 жылғы, 7 маусым

Simply необанкі өзінің қосымшасында цифрлық төлемдер индустриясының әлемдік көшбасшысы Visa компаниясынан Visa Request to Рay (төлем жасауға сұрату) технологиясын іске қосатынын жариялады. Ол Visa Direct платформасы негізінде осы шешімді іске қосқан әлемдегі алғашқы финтех-компания.

Төлем жасауға сұрату бұл достарыңызбен бірге ішкен түскі асқа ақы төлеуге немесе, бірлесіп сыйлық жасау үшін ақша жинаудың тез әрі қарапайым тәсілі.

Қызметті пайдалану үшін:

1. «Simply» қосымшасын AppStore/Play Market-тен жүктеп алу;

2. Қашықтан сәйкестендіруден өтіп, цифрлық картаны алу;

2. Қосымшаның басты бетінде «Төлем жасауға сұрату» функциясын таңдау;

3. Сұратылған соманы енгізіп, чек өзара бөлінетін адамдарды байланыстар тізімінен таңдау қажет.

Қаражат сұратылған адамға необанктің мобильді қосымшасында хабарлама келіп түседі, онда пайдаланушы сұратуды қабылдай алады немесе одан бас тарта алады.

Бұл ретте сұратуды алған тұлғалар тек Simply-дің ғана емес, сонымен қатар Visa Request to Рay технологиясын қолдайтын басқа банктердің клиенттері бола алады.

«Біз банктік емес мекемелер арасында әлемде бірінші болып өз клиенттерімізге Visa Request to Рay транзакцияларды басқарудың қауіпсіз және цифрлық әдісін ұсынуға қуаныштымыз. Simply пайдаланушылары арасында шотты бөлу комиссиясыз жүзеге асырылатынын және бұл өз кезегінде қызметті одан да икемді әрі ашық ететінін айта кету керек. Біздің Visa-мен серіктестігіміз отандық қаржы қызметтерін халықаралық деңгейде дамытуға көмектеседі. Себебі, Simply-дің жаңашыл функционалын жоспарлы түрде кеңейту бізді нарықта ерекшелендіретін стратегиялық ұстанымымыз», - деп түсіндірді Simply необанкінің CEO, Сергей Головань.

«Қазақстанда қаржы технологиялары тек Орталық Азияда ғана емес, әлем бойынша жөн сілтеп қарқынды дамып келеді. Біз Simply-дің функционалдық мүмкіндіктерін кеңейтуге және Visa Direct платформасы негізінде Visa Request to Рay қызметін іске қосуға қуаныштымыз. Бұл бірлесіп сатып алуларды немесе шотты бөлу процесін едәуір жеңілдетеді әрі жеделдетеді», - деп қосты Кристина Дорош, Орталық Азия мен Әзірбайжан елдеріндегі Visa өңірлік менеджері.

*****

Visa туралы

Visa (NYSE: V) – жыл сайын 200-ден астам ел мен аумақтардағы тұтынушылар, бизнес, қаржы және мемлекеттік ұйымдар арасындағы транзакцияларды жеңілдететін цифрлық төлемдер индустриясының әлемдік көшбасшысы. Тұтынушылардың әл-ауқатына және бизнес пен экономиканың өркендеуіне болысу үшін инновациялық, ыңғайлы, сенімді және қауіпсіз төлем желісі арқылы әлемді біріктіру біздің миссиямыз болып табылады. Экономикада барлық адамдар үшін қолжетімділікті кеңейту бүкіл әлем бойынша адамдардың әл-ауқатын жақсартуға оң септігін тигізетініне және болашақта жаһандық ақша қозғалысының негізі болатынына әбден сенімдіміз. Visa.com.kz веб-сайтынан көбірек біліңіз.

____

Simply туралы Simply Қазақстандағы алғашқы мобильді необанк. Цифрлық қаржылық сервис болып табылатын электрондық әмиян мен Visa Platinum премиум цифрлық картасы бар клиенттің телефон нөмірімен байланысты мобильді қосымша бірден-бір бірегей өнім. Simply клиенттері онлайн-төлемдер, NFC технологиясы арқылы түйiспесiз сатып алулар, толықтыру, Simply әмияндары арасында аударымдар мен Қазақстанда шығарылған банк карталарына комиссиясыз аударымдар жасай алады. Бір жарым жыл ішінде необанк қызметін 1 500 000-нан астам пайдаланушы бағалап үлгерді. https://www.simply.cards/ веб-сайтынан көбірек біліңіз

Тек БАҚ сауалдары үшін:

Мустафина Мадина,

Beeline Қазақстан корпоративтік коммуникациялар жөніндегі менеджері

MTMustafina@beeline.kz

Утеева Дания

Орталық Азия елдеріндегі Visa баспасөз қызметі

PBN Hill+Knowlton Strategies

Тел.: +7 778 555 4124

daniya.uteyeva@hkstrategies.com

Павленко Данил

Visa корпоративтік коммуникациялар жөніндегі аға менеджері, Орталық Азия және Әзірбайжан dpavlenk@visa.com