ҚР Ұлттық Банкі мен финтех-сектор өкілдерінің қатысуымен өткен кеңеске қатысу

2025 жылғы 10 маусымда "КАЗЕВРОМОБАЙЛ" ЖШС директоры Қазақстан Республикасының Ұлттық Банкі Төрағасы Тимур Сүлейменовтің банктік емес қаржы ұйымдары, финтех-компаниялар, крипто-провайдерлер және төлем қызметтері нарығының қатысушылары өкілдерімен өткізген кеңесіне қатысты.

Кездесу барысында цифрлық қаржы инфрақұрылымын дамыту бойынша негізгі бағыттар, цифрлық активтердің айналымын реттеу мәселелері, қаржылық қолжетімділікті кеңейту, сондай-ақ активтерді токенизациялау, стейблкоиндарды шығару және крипто-фиаттық шлюздерді дамыту бойынша пилоттық жобаларды іске асыру талқыланды.

"КАЗЕВРОМОБАЙЛ" ЖШС Ұлттық Банктің нарық қатысушыларымен тұрақты диалог орнату бастамасын қолдайды және реттеуші тарапынан цифрлық экожүйе элементтерін дамыту — Open API платформасы, цифрлық теңге, банкаралық карталық жүйе және Антифрод орталығы бойынша жүргізіліп жатқан кешенді жұмысты қолдайды.

Банк және банктік емес ұйымдар арасындағы кедергілерді жою, финтех-бастамалар үшін құқықтық өрісті кеңейту, сондай-ақ халық үшін заманауи төлем құралдарының қолжетімділігін арттыруға бағытталған мәселелердің маңыздылығын ерекше атап өтеміз.

"КАЗЕВРОМОБАЙЛ" ЖШС ауқымды пайдаланушылық базасы мен кең технологиялық әлеуетке ие бола отырып, реттеушімен, оның ішінде «реттеушілік құмсалғыш» тетігі аясында бірлескен жұмысқа қатысуға дайын екенін білдіреді және Қазақстан Республикасының қаржы нарығын тұрақты дамыту мақсатында одан әрі сындарлы ынтымақтастыққа үміттенеді.

Қазақстан Республикасы Ұлттық Банкінің сайтындағы жаңалық